دۆستێكی دێرینی كۆمەڵە، لە مەهاباد ماڵئاوایی لە ژیان كرد

بەداخەوە ئاگادار كراینەوە كە مامۆستا مەلا مستەفا ئارمین دۆست و هاوڕێ دێرینی كۆمەڵە لە گوندی قۆرغان سەر بەشاری مەهاباد، ڕۆژی چوارشەممە ڕێكەوتی 12ی بەفرانباری 1397ی هەتاویی كۆچی دوایی كردووە. مامۆستا مەلا مستەفا، یەكێك لە دۆستە دێرینەكانی كۆمەڵە بوو كە تا دوا ساتەكانی ژیانی دۆستایەتی خۆی لەگەڵ كۆمەڵە پاراست و هەموو دەم خۆی بە لایەنگری كۆمەڵە دەزانی.

لە لایەن راگەیاندنی كۆمەڵە و كادێر و ئەندامانی كۆمەڵەوە پرسە و سەرەخۆشی خۆمان ئاراستەی بنەماڵەی بەڕێزی دەكەین و خۆمان بە هاوخەمیان دەزانین.


ئه‌م بابه‌ته 161 جار خوێنراوه‌ته‌وه‌‌

PM:06:44:06/01/2019