چالاکێکی نهێنی کۆمەڵە لە شاری نەغەدە ماڵئاوایی لە ژیان کرد

بە داخ و كەسەرێكی زۆرەوە ئاگادار كراینەوە، ڕۆژی چوارشەممە، ٤ی گوڵانی ١٣٩٧ی هەتاوی، هاوڕێ كەریم حەسەن زادە، هەڵسووڕاوی تەشكیلات نهێنی كۆمەڵە بە هۆی ڕاوەستانی دڵ لە تەمەنی ٥٦ ساڵیدا لە شاری نەغەدە ماڵئاوایی لە ژیان كردووە.

كاك كەریم بە هۆی تێكەڵاوبوونی لە گەڵ خەڵكی ناوچەكە و بەهاناوەچوونی كرێكاران و زەحمەتكێشان و بەشداری لە دەرد و مەینەت و ئازارەكانیان، خۆشەویستی خەڵكی شاری نەغەدە و ناوچەكانی دەورووبەر بوو.

كاك كەریم لە ماوەی تەمەنیدا تا كاتی مەرگی ناوبەوەختی بۆ ساتێكیش لە كۆمەڵە و ڕێبازەكەی دوور نەكەوتەوە و بەوپەڕی دڵسۆزیەوە ئەرك و كارە پێسپێردراوەكانی بە باشی بەئەنجام دەگەیاند.

بە ناوی كۆمیسیۆنی ڕاگەیاندنی كۆمەڵەوە پرسە و سەرەخۆشی خۆمان ئاراستەی بنەماڵە و كەسوكاری كاك كەریم و دۆستان و هاسەنگەرانی دەكەین و خۆمان بە شەریكی خەم و پەژارەیان دەزانین.



ئه‌م بابه‌ته 618 جار خوێنراوه‌ته‌وه‌‌

PM:09:57:26/04/2018