ناوەندی هاوكاریی حیزبەكانی كوردستانی ڕۆژهەڵات، پێنجەم كۆبوونەوەی خۆی بەڕێوەبرد

رۆژی چوارشەممە رێكەوتی ١٥ی خاكەلێوەی ١٣٩٧ی هەتاوی بەرامبەر بە ٤ی ئاپریلی ٢٠١٨ی زایینی، ناوەندی هاوكاریی حیزبەكانی كوردستانی ئێران بە بەشداریی پێنج لایەنی ئەندامی ئەو ناوەندە، پێنجەم كۆبوونەوەی خۆی لە بنكەی دەستەی كارگێڕی حیزبی دێموكراتی كوردستانی ئێران لە كۆیە، بەڕێوە برد.
 سەرەتای كۆبوونەوەكە بە خولەكێك بێدەنگی بۆ گیانی پاكی شەهیدان دەستی پێكرد، پاشان بەڕێز محەممەدنەزیف قادری، ئەندامی دەستەی كارگێری حیزبی دێموكراتی كوردستانی ئێران و بەرپرسی دەورەیی ناوەندی هاوكاریی حیزبەكانی كوردستانی ئێران راپۆرتی یەك مانگی رابردووی ناوەندی هاوكاریی پێشكەشی ئامادەبووان كرد و دواتر دەستووری كاری كۆبوونەوەكە بڕیاری لەسەر درا.
لەو دانیشتنەدا هەركام لە لایەنەكان وێڕای دەستخۆشییان لە بەڕێوەچوونی بەرنامەكان لە ماوەی رابردوودا، لەبارەی كار و تێكۆشانی یەك مانگی رابردووی ناوەندی هاوكاری، هەڵسەنگاندن و راو سەرنجی خۆیان باس كرد. پاشان باسێك لەسەر لۆگۆی پێشنیاریی تایبەت بە ناوەندی هاوكاری كرا و نەزەری پێویست لەو بارەیەوە درا.
تەوەرێكی دیكەی كۆبوونەوەكە تایبەت بوو بە چۆنیەتی بەڕەورووبوونەوەی كردەوە تیرۆریستیەكانی كۆماری ئیسلامی ئێران  لە هەرێمی كوردستان و ڕێوشوێنەكانی پووچەڵكردنەوە و بەرەنگاربوونەوەی پیلانەكانی ئەو رێژیمە بە دژی هێزە سیاسییەكانی ڕۆژهەلاتی كوردستان و لەم پێوەندییەدا لایەنەكانی ئەندامی ناوەند بۆ جێبەجێكردنی كۆمەڵێك ڕێوشوێن ئەركدار كران.
لەم كۆبوونەوەیەدا كۆمەڵێك باس و بابەتی پێوەندیدار بۆ هەرچی پتەوكردنی كارەكانی ناوەندی هاوكاری و هەروەها گوڕوتیندان بە كارەكان و بەردەوامیی گیانی یەكگرتوویی و كۆدەنگی پێیان لەسەر داگیرایەوە.
كۆبوونەوەكە دوای جێبەجێكردنی ئەو ئەركانەی لە دەستووری كاری خۆی دا داینابوون لە كەشێكی دۆستانە و هاوڕێیانەدا كۆتایی پێ هات

ناوەندی هاوكاریی حیزبەكانی كوردستانی ئێران
١٥ی خاكەلیوەی ١٣٩٧
٤/٤/٢٠١٨

 پێكهاتوو لە:
حیزبی دێموكراتی كوردستان
كۆمەڵەی شۆرشگێری زەحمەتكێشانی كوردستانی ئێران
سازمانی خەباتی كوردستانی ئێران
كۆمەڵەی زەحمەتكێشانی كوردستان
حیزبی دێموكراتی كوردستانی ئێران

ئه‌م بابه‌ته 224 جار خوێنراوه‌ته‌وه‌‌

AM:01:11:05/04/2018