بەشداری لە كۆبوونەوەی پێكهێنانی فدراسیۆنێ ڕەوەندی كوردی لەو ئەورووپا

ڕۆژی شەمە ڕێكەوتی ١٠ی٢ی٢٠١٨ لە سەر بانگهێشتی فدراسیۆنی كۆمەڵە كورتوورییەكان لە سوئێد، كۆمەڵێكی زۆر كەسایەتی و چالاكی كوردی ناو ڕێكخراوە مەدەنی و كولتووریەكان لە سەرانسەری ئەورووپاوە خۆیان گەیاندە ستۆكهۆڵمی پایتەختی وڵاتی سوئێد.
كۆمەڵێك چالاكی بواری كولتووری و ڕۆشنبیری كە هەركام لەوانە نوێنەرایەتی فدراسیۆنێكی كولتووری  یان چەند كۆمەڵەی كولتووریان ئەكەرد لە وڵاتانی سوئێد، دانمارك، فەنلاند، فەرانسە، ئاڵمان، بلژیك، ڕوسیە، ئەرمەنستان، قەزاقستان و نۆروێژ ئامادەی كۆبوونەوەكە بوون، كۆبونەوە سەرەتا دەستەی بەڕێوە بەری هەڵبژارد و دواتر تەوەرەی باسەكان دەستی پێكرد. تەوەرەی گرینگی ئەم كۆبوونەوە كۆكردنەوەی ڕەوەندی كوردی لە سەرانسەری ئەورووپا بوو بە مەبەستی ڕێكخستن و دروست كردنی لۆبییك بۆ كرد لە ئاستی نێو نەتەوەییدا.
بەشدار بوان پەیام و بابەت وتێبینیەكانی خۆیان پێشكەش بە كۆبوونەوەكە كرد.
كۆبوونەوە پاش چەند كاتژمێر باسی چڕ وپڕ، ڕاگەیاندراوێكی پەسەند كرد وبڕیاری دا كۆبوونەوەی دووهمەی ئەم پرۆژەیە بە مەبستی ڕێكخستنی ئەو ناوەندە بۆ كوردان لە ڕۆژانی ٢٣ تا ٢٥ی سپتامبر لە  برۆكسێل بەڕێوە بچێت
شایانی باسە لە وڵاتی نۆروێژەوە ئیبراهیم كۆنەپۆشی و ئاریا ئەفشار و ڕۆدی ئیلگن بە نوێنەراتی چەندین كۆمەڵەی كولتووری و بەشێك لە ڕەوەندی كوردی وڵاتی نۆروێژ بەشداری ئەو كۆبوونەویەبون
ئیبراهیم كۆنەپشی و ئاریا  ئەفشار بە نوێنەرایەتی ئەو ڕێكخراوە كولتووریانە كە نوێنەرایەتییان ئەكرد یەكی پەیامێكین پێشكەش بە ئامادەبوان كرد لە پەیامەكانیاندا وێڕی پیرۆز بایی بەستنیوەها كۆبونەوەیەك لە ئامادەبوان، ئاماژەیان بە كار و چالاكی ڕێكخراوە كولتوورییەكان لە نۆروێژ كرد و هەوڵەكانی ڕێكخراوەكانی زۆیانیان بۆ كۆبونەوە باس كرد و ڕایان گەیاند كە ئامادەی هاوكاری بۆ ڕێكخستنی وەها  چەترێك كە بتوانێت ڕەوەندی كردی هەندەران كۆبكاتەوە.

ئەو ڕێكخراوانەی وا نوێنەرانی نۆروێژ نوێنەرایەتیانی ئەكرد بریتی بوون لە:
كمەڵەی كولتووری نەوان
كۆمەلەی كولتووری ڕومەریكە
كۆمەڵەی ژینگەی سەوز
سیلاڤ ماڵا كوردا
كۆمەڵەی داكۆكی لە مافی مرۆڤ

ئه‌م بابه‌ته 243 جار خوێنراوه‌ته‌وه‌‌

AM:10:37:14/02/2018