چالاكی بەردەوامی تەبلیغی تێكۆشەرانی كۆمەڵە لە شاری بۆكان + وێنە

لە درێژەی كار و چالاكی بەردەوامی تەبلیغی تێكۆشەران و هەڵسووڕاوانی ماندوونەناسی كۆمەڵە لە شاری بۆكان، شەوی ڕابردوو ڕێبوارانی ئاڵای سووری كۆمەڵە لەو شارە بۆ دووهەمین جاری بەردەوام دەستیان دایە چالاكی بەرینی تەبلیغی و بە بڵاوكردنەوەی وێنەی ڕێبەرانی گیانبەختكردوو كاك فوئاد مستەفا سوڵتانی و كا حەمە حسێن‌كەریمی،  نووسینی درووشمی تایبەت بە ٢٦ی ڕێبەندان و هەڵكردنی ئاڵای سووری كۆمەڵە ڕێزیان لە هاتنی ٢٦ی ڕێبەندان ڕۆژی كۆمەڵە گرت.

ئەو شوێنانەی چالاكانی كۆمەڵە لە شاری بۆكان چالاكی تەبلیغییان تێدا ئەنجام داوە بریتین لە: كۆڵانەكانی تەرەغە، ئاگرین، بێستوون، شاهۆ و مزگەوتی جامیعە و مەدرەسەی شەهید نەجاڕی لە میراوا، ئەبووزەڕ، باغی قازی، فەرمانداری و كۆڵانەكانی.

لە لایەكی دیكەوە پۆلێكیتر لە هاورێیان و ئەندامانی بەشی تەشكیلاتی نهێنی كۆمەڵە لە گوندەكانی (داربەسەر، بوغدەداغی، كەرێزەی مەحموود ئاوا، عەزیزكەند، قەرەكەند، ئاختەتەر، دونگوز و حەمامیان) بە هەڵكردنی ئاڵای سووری كۆمەڵە و بڵاوكردنەوەی تراكت و نووسراوەكانی كۆمەڵە پێشوازییان لە ڕۆژی كۆمەڵە كردووە.

دەستتان خۆش بێ و بەردەوام بن هاوڕێیانی تێكۆشەر و ماندوونەناسی شارەكەی دوكتور جەعفەر شەفیعی، هەر بژین بۆ كۆمەڵە و ئاڵای سوورتان هەر شەكاوە بێت.

ئه‌م بابه‌ته 77 جار خوێنراوه‌ته‌وه‌‌

PM:05:50:12/02/2018