کۆبوونەوەی ساڵانەی کومیتەی هاوکاری لە ئۆسلۆ بەڕێوەچوو

رۆژی سێشەمە، رێكەوتی ١٧ی رێبەندانی ١٣٩٦ی هەتاوی، كومیتەی هاوكاری لە وڵاتی نۆروێژ لە شاری ئۆسلۆ كۆبوونەوەی ساڵانەی خۆی بە ئامادەبوونی هەشت حیزب و رێكخراوی سیاسی لە هەموو بەشەكانی كوردستان بەڕێوەبرد.
كۆبونەوەكە سەرەتا بە خولەکێک بێ دەنگی بۆ گیانی گیانبەختكردوانی رێگای رزگاری و ئازادی دەستی پێكرد و پاشان راپۆرتی ساڵی ٢٠١٧ لە لایەن بەرپرسی كومیتەی هاوكاری خۆێندراوە. دواتر پیدا چونەوە كرا بە ناوەرۆكی پەیڕەو پڕۆگرامی كۆمیتەی هاوكاری و خاڵ و بەندەكانی خوێندرانەوە و خرانە بەر باس و لێكۆڵینەوە و زۆربەی خاڵەكان وەك خۆیان مانەوە و لەهەندێ جێگاش پاش موناقەشە كردنیان گۆڕانكاریان تێدا كرا بەجۆرێك كە لەگەڵ كار و چالاكیەكانی ئەمسالمان دا بگونجێت. پاشان بە تێكڕای دەنگ ئەویش پەسەند كرا . دواتر وەك نەریتی كۆمیتەی هاوكاری كارەكانی كومیتەی هاوكاری بە سەر ئەندامانی كومیتەكە دابەش كرا كە هەر شەش مانگ جارێك كۆمیتەكە بەرپرسی نوێ و جێگركەی و بەشەكانی ڕاگەیاندن و پەیوەندی و دارای دیاری دەكات و بەڕێوە دەبرێت . لە كۆتایدا كۆبونەوەكە پاش ٤ كاتژمێر كۆتای پێهات.
ئەندامانی بەشدار بوو لە كومیتەی هاوكاری بریتین لە:
 پارتی دیموكراتی كوردستان
حیزبی دیموكراتی كوردستانی ئێران
 كۆمەڵەی شۆڕشگێڕی زەحمەتكێشانی كوردستانی ئێران
 یەكگرتوی ئیسلامی كوردستان
 پارتی ئازادی كوردستان
 پارتی دیموكراتی لە باكور
 ڕێكخراوی خەباتی شۆڕشگێڕ ئێران
 پارتی ئازادی كوردستان/ باكور

ئه‌م بابه‌ته 274 جار خوێنراوه‌ته‌وه‌‌

AM:03:08:08/02/2018