کۆمەڵەی شۆڕشگێڕ لە دانمارک کومیتەی نوێی خۆی دیاری کرد

ڕێکەوتی 2ی مانگی دێسامبری 2017ی زایینی بە ئامادەبوونی ژمارەیەک لە ئەندامانی كۆمەڵەی شۆڕشگێڕ لە وڵاتی دانمارک، كومیتەی كۆمەڵە لەو وڵاتە كۆبوونەوەی خۆی بۆ راپۆرتی ساڵانە و هەروەها هەڵبژاردنەوەی كومیتەی تازە بەڕێوەبرد.

كۆبوونەوەكە سەرەتا بە سرودی بانگەوازی كۆمەڵە و راگرتنی خولەكێك بێدەنگی بۆ گیانی پاكی گیانبەختكردووانی كۆمەڵە و بزووتنەوەی رەوای خەڵكی كوردستان دەستی پێكرد.

لە درێژەدا هاوڕێ حسەین عەلیزادە بەرپرسی كومیتەی دانمارك، راپۆرتی كارەكانی دەورەی رابردووی كومیتەكەی پێشكەشی بەشداربووان كرد و دواتر هاوڕێ ئومید ئەحمەدزادە ئەندامی جێگری كومیتەی ناوەندی کۆمەڵە چەند باسێكی پێوەندیدار بە دەوری تازەی كاری كومیتەكانی دەرەوە و ئاراستە گرتنە سیاسییەكانی كۆمەڵەی باس كرد.

بەدوای راپۆرت و وتارەكاندا هەڵبژاردنی كومیتەی تازە بەڕێوەچوو كە تێیدا هاوڕێیان حسەین عەلیزادە، چیمەن هیممەتی، عەلی وەتەمیش، رزگار سولەیمانی و كاوە ئەمینی وەك ئەندامانی كومیتەی تازە هەڵبژیردران.

کۆمەڵەی شۆڕشگێڕی زەحمەتکێشانی کوردستانی ئێران
کومیتەی دانمارک


ئه‌م بابه‌ته 905 جار خوێنراوه‌ته‌وه‌‌

PM:07:38:07/12/2017